யோகாவின் ஒளியில் ஆரோக்கிய உலகம்
சர்வதேச யோகா தினம்
இந்நாளின் சிறப்பு
ஒவ்வோர் ஆண்டும் ஜூன் மாதம் இருபத்தோராம் தேதி, பூமியின் வடக்கு அரைக்கோளத்தில் பகல் நீளம் மிக அதிகமாக இருக்கும் கோடை சங்கிராந்தி நாளில், உலகம் முழுவதும் ஒரு தனித்துவமான கொண்டாட்டம் நடைபெறுகிறது. அதுவே சர்வதேச யோகா தினம். ஆயிரக்கணக்கான ஆண்டுகளுக்கு முன் இந்திய மண்ணில் முளைவிட்ட இந்த உடல், மன, ஆன்மிக ஒழுங்குமுறை, இன்று கண்டம் கடந்து கோடிக்கணக்கான மனிதர்களின் அன்றாட வாழ்வில் இடம்பெற்றுள்ளது. மருந்தோ, மாத்திரையோ இல்லாமல், சுவாசத்தையும், உடல் அசைவையும் மட்டுமே கருவியாகக் கொண்டு ஆரோக்கியத்தை வென்றெடுக்கும் இந்த பாரம்பரியக் கலையை உலகறியச் செய்த நாள் இது.
