1. அயல் பணி ஒப்படைப்பு நிறுவனங்களுக்கு வரி
விதிக்க அமெரிக்க அதிபர் பராக் ஒபாமா முடிவு செய்துள்ளார். இதனால் பல இந்திய
நிறுவனங்கள் பாதிக்கப்படும் நிலை ஏற்பட்டுள்ளது.
2. ஜக்கிய நாடுகள் சபைக்கான அமைதிக் குழுவில் இருந்து இலங்கை முன்னாள் இராணுவ அதிகாரி சவீந்தர சில்வா நீக்கப்பட்டுள்ளார்.
3. கேரள மாநிலத்தின் புகழ்பெற்ற பத்மநாப சுவாமி
கோயிலின் இரகசிய நிலவறைகளில் சி மற்றும் டி குறியிடப்பட்ட அறைகளைத் திறப்பதற்கு உச்ச
நீதிமன்றம் நேற்று அனுமதியளித்தது.
4. உத்தரப் பிரதேச சட்டப் பேரவைக்கு நேற்று நடந்த 5-ஆம் கட்டத் தேர்தலில் 59 விழுக்காடு
வாக்குகள் பதிவானதாக தேர்தல் ஆணையம் தெரிவித்துள்ளது.
5. ஜம்மு-காஷ்மீர் மாநிலத்தில் இராணுவ முகாம்கள் மீது புதன்கிழமை இரவு பனிப்பாறைகள் சரிந்து
விழுந்ததில் 14 இராணுவ வீரர்கள் உயிரிழந்தனர்; 7 பேரைக் காணவில்லை.
6. மாவட்டந்தோறும் 2 இலட்சம்
மரக்கன்றுகள் வீதம் தமிழகம் முழுவதும் 64 லட்சம்
மரக்கன்றுகளை நடும் திட்டத்தைத் தமிழக முதல்வர் நேற்று
தொடங்கி வைத்தார்.
7. இந்தியாவின் மிகப்பெரிய தனியார் மின்னுற்பத்தி
நிறுவனமான ஜிண்டால் பவர் லிமிடெட் நிறுவனத்தின் தலைவரும், எம்.பி.யுமான நவீன் ஜிண்டால் தலைமைச் செயலகத்தில் முதல்வரைச் சந்தித்துப் பேசினார்.
8. காவல்துறையில் இளைஞர்களின் வரவு மிகவும் தேவையாக
உள்ளது. ஐ.பி.எஸ். போல ஏதாவது ஒரு சிவில் சர்வீஸ் தேர்வில் வெற்றி பெற்று
சமூகத்திற்குப் பாடுபட வேண்டும் என்று
கோவை மாநகர காவல்துறை துணை கமிஷனர் ஹேமா கருணாகரன் கூறினார்.
9. ஒலிம்பிக் ஹாக்கி தகுதிச்சுற்றுப் போட்டியில்,
இன்று நடைபெறும் ஆட்டத்தில் இந்திய அணி, போலந்தை எதிர்கொள்கிறது.
10. இந்திய மட்டைப்பந்து அணிக்கு மூன்று
கேப்டன்களை நியமிப்பது பற்றி பரிசீலிக்கப்பட்டு வருகிறது.
